Sot Pavlina dhe Marina shkojnë drejt një udhëtimi imagjinar në Dublin

Sot Pavlina dhe Marina shkojnë drejt një udhëtimi imagjinar në Dublin të Irlandës, aty ku në 16-10-1854 lindi shkrimtari i famshëm, Oscar Wilde. Ai ishte një shkrimtar dhe poet, anglo- irlandez. Wilde vinte nga një familje intelektualësh, ku i ati ishte kirurg dhe  e ëma poete dhe shkrimtare. Oscar Wilde studjoi në kolegjin "Trinity" të Dublinit, e me pas në Oksford, shkenca klasike. Në 2007 është votuar si "Mendja më e mprehtë" e Britanisë në një sondazh prej më shumë se 3000 komedianësh. Ai shquhej për zgjuarsi, dhe lexuesin e tërhiqnin jo vetëm veprat, por edhe thëniet  e tij. Disa nga romanet më të njohura në botë janë: "Portreti i Dorian Greit" dhe "Princi i lumtur". Por më shumë do të mund të mësoni rreth ketij shkrimtari të madh,  teksa ndiqni emisionin- Sot drejtoj unë në Radio Tirana Fëmijë  në orën 19°°.