Shqipëria, kjo hirushe e përjetshme ekzotike për të huajt?!

Jemi në shekullin XXI por sërish të huajt kanë një kërshëri gati ekzotike për Shqipërinë, vendin ballkanik, kaq afër dhe njëkohësisht larg Evropës. Dikur, vështirësinë ia jepte një terren aspak i kalueshëm prej moçaleve dhe terrenit të thyer malor, mungesës gati totale të infrastrukturës rrugore dhe pasigurive të udhës. Komunizmi e ktheu në një metaforë bunkeri, kurse në ditët tona Shqipëria me milionat e turistëve që e vizitojnë është kthyer sërish në një vend ekzotik por me shumë kureshti nga të huajt që duan të zbulojnë ato shekuj pafund panjohje për një mjedis, që i kanë kushtuar shumë lavde dhe poezi.